Novo Mundo conta a vida de Isabel Zendal, a enfermeira daquela expedición. Unha muller nada nunha humilde familia de labregos e obrigada a criar o seu fillo en solitario que acabou por se converter no elo imprescindible dunha xesta que supuxo un punto de inflexión na historia da medicina, dunha viaxe que mudou o mundo tal e como se coñecía ata entón.
Neste libro saberemos, en voz do seu fillo Benito, da determinación e forza de Isabel, da súa viaxe sendo nena á Coruña e do seu traballo cos expósitos do Hospital da Caridade, da crúa realidade que se vivía na cidade a finais do século XVIII e como chegou a formar parte da expedición do doutor Balmis.
13,50€
| Ilustración | El primo Ramón |
|---|---|
| Idioma | Galego |
| Encadernación | Rústica |
| Medidas | 17x24cm |
| Páxinas | 48 |
| ISBN | 978-84-18667-54-1 |
| IBIC | YFY |
No inverno de 1803 partiu de Galicia a Real Expedición Filantrópica da Vacina coa misión de acabar co azoute da varíola nas colonias españolas de América e as illas Filipinas. Vinte e un nenos recollidos nas casas de expósitos portaron nos seus propios corpos o fluído curativo.
Unha xesta case heroica que se puido levar a cabo grazas á determinación de xente común, que deixaron as súas vidas atrás para converterse na salvación de milleiros de persoas.
